Vawk thih belh zel, a hluar tharnaah zia leh tan

African Swine Fever (ASF) vangin Mizoramah vawk a la thih belh zel a, tihdam theih loh natna laka inven nana vawk tihhlum/suat pawh a la awm reng. Chutih rual chuan vanneihthlak takin hri hluar tharnaah hrileng hi a zia leh \an thung.AH&Vety department-in an chhinchhiah danin, ASF hrileng thawh thumnaah hian September ni 22 thleng khan Mizoramah ASF vangin vawk 943 a thi tawh; September ni 8 thlenga vawk thi zat hi 805 a ni a, ni 14 vel chhungin vawk a thih belh leh nual.
Hri vanga vawk thi a la awm reng a, mahse vanneihthlak takin tun hnaia a hluarna khuaah hri hi a zia deuh deuh; Champhai district-a khaw thenkhat, Hmunhmeltha, Bulfekzawl leh Lianpui khuaahte hri hi a hluar thar leh a, mahse heng khuaah hian vawk thi report tur a hma angin a tam ta lo deuh; September ni 22-ah pawh khan vawk pahnih thihna Bulfekzawlah chauh vawk thi report a awm.
Tun hnaia vawk thih nasatna, Khawzawl district-a Kawlkulhah September ni 22 khan vawk pali a thi a, Kawlkulh hi ASF finfiahna hnuhnung ber khua an ni rih.
ASF finfiahna a la rei lo chungin Kawlkulh hian vawk an chan nasa a, hri vang hian vawk 342 a thih tawh bakah vawk 206 tihhlum/suat (cull) a ni tawh bawk.
Kawlkulhah pawh hian hri hi a nasa lo telh telh nia hriat a ni a, mahse September ni 22 pawh khan vawk pali a la thi. Vawk 11 tihhlum a la ni bawk.
ASF hrileng thawh thumna hi Champhai district-ah a intan a, Kolasib, Lunglei, Aizawl, Mamit leh Khawzawl district-ahte finfiah a ni tawh.