Vawksa frozen laluttu kan ni lo – PIGFED

rozen lallattu anga Mizoram Pig Farmers Association (MIPFA) in an ngai chu a dik loa, a lo zuarchhawng ve tu an ni mai zawk tih Mizoram Pig Producers’ Cooperative Federation (PIGFED) chuan an sawi.
PIGFED thuchhuak chuan, ASF hrileng avanga an society member-te leh vawk vulhtu engemawzatin vawk thahnem tak an chan avang leh a la him damte pawh hralh a harsat avanga piggery farmer-te manganna pawi an tiin an tuarpui takzet tih a sawi a. AH& Vety department report-a tarlan danin, kumina hri thawk thar hi Champhai district-a Leithum leh Vanzau khuaa intan nia hriat a nih avangin, khawchhak lam leh state pawn atanga vawk tawlhluh thinte khuahkhirh kawngah sawrkarin tan la zual se, mipuiin thu awih bawk ila, ziaawm lam kan pan thuai an beisei tih a sawi.
Kum 2021-2022 hrilengah PIGFED Ltd. innghahna ber vawk 300 an lo chan tawh a. Inkhaichhuah leh tuma kawng hrang hranga tan an lak laiin, MIPFA-in phailam atanga frozen meat chawluttu emaw an tih avanga an lo ral beih tih an hriatin inkawmho puiah an sawm a, kumin April 15 khan an thukhawm a, frozen meat an lakluh loh thute, chhiat an lo tawh ve tawh avangin dinhmun siam tuma an hmalakna zingah frozen pork chawluttu (stockist) te hnen atanga la in an zuarchhawng ve thin a, chu pawh chu hma thar lak an tum avangin mumala an kalpui tawh loh thu an hrilh a. Thil awmzia an hriatchian hnu ah boruak tha tak hnuaiah an tin tih a sawi a ni.
Chutiang a nih hnuah May 20 khan frozen vawksa chu PIGFED dawr kawtah MIFPA hian halin media-ah an vawrh darh a. Hei hian an inkawmhona khan awmzia a neih loh zia a tichiangah an ngai a, pawi an tiin an hrethiam lo takzet tih a sawi.
PIGFED Ltd. chuan vawk vulhtute tan theihtawpin hma a la reng a. Farm dinthar lehin vawk thahnem tak an tharchhuak mek a. Ranvulhtute tan tualchhunga siam, ranchaw tha leh man tlawm an zuar bawk tih sawiin, Aizawl leh a chhehvela vawkpui vulhtu thahnem tak kalchilhin artificial insemination technology hmangin vawk kahrai hna a thawk a. 2023 April atanga 2024 March chhunga vawk kahrai atanga piggery farmer-ten vawk note an tharchhuah chu 41299 niin, sumfaia chantirin Rs. 28,90, 93,000 hu a ni tih a sawi.