Vietnamese EVs in GM leh Ford te khum

Vietnamese electric vehicle (EV) siamtu VinFast stock market hlutna chuan car siamtu lian Ford leh General Motors GM te a trading nikhatnaah a khum nghal.
He firm profit pawh la nei lo share hi New York Nasdaq debut a neihah 255% in a zuang nghal dawrh thei a ni. Hei vang hian VinFast stock market valuation chu $85 billion ah kai chho nghalin ch chu Ford te $28bn leh GM te $46bn aiin a sang nghal fe a ni.
Motor industry giants te leh manufacturing thar te chuan EV market lian chak mekah chungnung zawk nih tumin an inbei mek a.
VinFast chairman leh founder Pham Nhat Vuong hausakna chu $39 billion ah a kai chho nghal zawt a, Vietnam mihausa ber a ni sa der tawh bawk.
Regulatory filing a neih hmang chuan he firm a 99% thuneihna neiin heng a share te hi Vietnam a conglomerate Vingroup JSC hmanga a neih vek a ni.
Thuneihna a neih san em avangin investor dang ten share an neih vak theihloh avangin price swing nasa tak a thlen thei bawk a.
“Investors te chuan hmalam hun chu electric car in a thunun turah ngaiin low-cost East Asian ram te chu US ah competitor ber tur an ni ang” tiin Bill Russo, founder leh CEO Shanghai-based Automobility chuan a sawi a. Geopolitics hisapin China ni lovin Vietnam chu market in a awn lo thei lo a ti bawk.
VinFast te hian conventional share sale aiin shell company emaw special purpose acquisition company (Spac) angin an kal zawk a.
Spacs hi start-ups tena private company te public company a nih theih nana kalphung rei tak tihchak nana an hman thin a ni a. A awmzia berah chuan company te stock exchange a lo awm tawh te leh la awm ve lo te thlunzawmna a ni ber mai.
EV siamtu thahnem tak Lordstown Motors leh Faraday Future te ang pawhin tun hnai kum thum chhungin Spacs hi an hmang vek a. Mahse, heng firm pahnih te hian an inthlunzawm hnuah an stock market value 90% an hloh leh tawh thung a ni.
VinFast te erawh an danglam rin niin a chhan ber pawh Vingroup te, sumdawng hlawhtling leh ngialnghet sa tawh tena an thlawp tlat dawn vang niin Bill Russo chuan a sawi a.
“EV tam ber te hlawhchham chhan chu hlawkna tak tak an la nei bawk si lo va, pawn lam atanga thlawptu tha an neih bawk si loh avangin an sum lakluh theih aia an hmanral tam chak zawk thin vang a ni” tiin a sawi.
Vinfast te hian market thunun turin major player dangte hmachhawn tur a nei nual a. Chung zingah chuan market leader ni mek Elon Musk a Tesla te, investor Warren Buffet-a thlawp BYD te pawh an tel a.
Kumin kum chanve chhung khan VinFast te chuan EV 11,300 an siam chhuah laiin Tesla te chuan 889,000 vehicle an siam chhuak thung.
“EVs lamah Tesla te chu loh theih lohin leader an la ni reng dawn chungin mahse winner tam tak dang an awm dawn lo thei lo” tiin Dan Ives, Wedbush Securities chuan a sawi a. “VinFast te hian EV lama hlawhtlin theih nan bulthut nghet lutuk an nei a ni” tiin a sawi bawk.