Voluntary Blood Donation Day pualin DC & addl DC-in thisen pe

National Voluntary Blood Donation Day pualin Thawhlehni khan Association for Voluntary Blood Donation Hnahthial Branch, Govt Hnahthial College Red Ribbon Club, NCC, NSS leh IQAC tangho chuan Christian Hospital Serkawn Blood Bank tan Blood Donation Camp an buatsaih a. Thisen petu zingah Hnahthial DC Rita Lalnunmawii Pachuau leh addl DC Zothanmawia Khiangte te an tel.
Thisen pek hmaa inkhawmah bawrhsap chuan, Isua Krista-in a thisen sengin mihringte min chhandam a, Lal Isua zuitu kan nih avangin Kristiante phei hi chuan midang tanpuina atan thisen pek hi kan tih makmawh a ni, tiin, AVBD Hnahthial chu midang tana malsawmna ni chhunzawm turin a chah.
Govt Hnahthial College Adutorium-a thisen pek runpuiah hian DC leh addl DC te hian thisen pek bul tanin, college thawktute, college zirlai, Govt Higher Secondary School zirtirtu leh zilai bakah Hnahthial thalai mi 27-in thisen an pe a ni.