Special Gram Sabha nei

Sawrkar laipui Panchayati Raj ministry ruahman angin Peoples Plan Campaign for Gram Panchayat Development Plan (GPDP) 2025- 2026 Special Gram Sabha neih mek a ni a. Nilaini khan Tlangnuam RD Block hnuaiah Muthi khuaah leh RD Block East Lungdarah te neih a ni.
Special Gram Sabha-ah hian he ni puala LAD minister C Lalsawivunga thusawi video en leh ngaihthlak a ni a. People’s Plan Campaign (PPC) tualchhung hmasawnna atana ruahmanna hrang hrang siam tura insawmna hunah hian inzirtirna pek bakah kum upate chawimawi an ni.
Mutthi-a neih hi Local Administration secretary Teresy Vanlalhruaii chuan a hmanpui a. A ni bakah IGNOU Regional Centre Aizawl regional director Dr VT Jalajakumari ten thu an sawi.
Khawtlang inrelbawlna hmanga hlawk zawk leh awmze nei zawka mipui hamthatna tur ruahman a, khawtlang leh mipui tana hmasawnna ngelnghet thlen a nih theih nan GPDP, tualchhung mila Sustainable Development Goals (SDGs) kalpui leh Sankalp chungchang inzirtir a nih bakah Panchayat Development Index (PDI) leh hmasawnna daltu nia langte hriatchhuah kawnga hman tangkai dan inhrilhriatna niin, SIRD&PR Mizoram faculty ten heng khaw pahnih mipui hi an zirtir. Faina, ruihhlo lak inven leh hriselna lam ahruai tur inhrilh a ni bawk.