April 19-a Lok Sabha inthlanpui buatsaiha Lawngtlai khawpui chhung polling station hrang hranga voter-te a tul anga lo puibawm tura tlawmngaia inpe (volunteer), Don Bosco School Lawngtlaia Scouts & Guides zirlaite hnena lawmthu sawinan district election office chuan Zirtawpni khan thilpek a hlan.
Inkhawmah hian Lawngtlai district election official-te leh Don Bosco School Lawngtlaia principal, zirtirtute leh zirlaite an tel a. District election officer Cheemala Siva Gopal Reddy chuan Lok Sabha inthlanpuiah kum upa leh vohbik, damlohna avanga buaipui ngai leh voter puih ngaite tanpui leh puibawm tura Don Bosco School Scouts & Guides an pen chhuak chu lawmawm a tih thu sawiin, inthlan tihlawhtlingtute zing ami an ni a, an inpekna chu Election Commission of India pawhin a hlut hle tih a hrilh.
MP inthlan neih zawh takah khan Don Bosco School Lawngtlaia Scouts & Guides 60 leh zirlai 20, an vaiin zirlai 80 chu Lawngtlaia polling station 20-ah voter-te tanpui turin an duty a. An hnathawh hriatpuina leh lawmthu sawi nan hian thuziak (certificate) leh no (mug) pakhat theuh zirlaite hnenah hlan a ni.
Voter-te puitu zirlaite thilpek hlan
Get real time updates directly on you device, subscribe now.