Vun nalh nan zikhlum nainawk

Salad atan a tui mai piah lamah zikhlum nainawk rawng (purple) a anti-oxidant awm chu vun ti nalhtu niin mithiam ten an sawi.
Zikhlum nainawk rawng chi hian vitamin C leh vitamin K a pai hnem hle a, a rawng pawh hi anthocyanin polyphenols a pai hnem vanga nainawk ta a ni. Anthocyanin polyphenols hi antioxidant chak tak niin, anti-inflammatory properties a nei bawk. Hetiang a nih vang hian zikhlum hring pangngai chi aiin nutrients a pai hnem zawk niin an sawi.
Mithiam ten zirchianna an neihah chuan anthocyanins hian lung lam natna, diabetes leh cancer thenkhat risk te pawh a tihniam niin an sawi. Antioxidant a pai hnem vang hian vun a ti nemin a ti mam thei niin an sawi bawk.
Zikhlum nainawk rawng chi chu plastic bag-ah dahin refrigerator-ah dahthat mai theih a ni a, kar hnih vel chhung chu fresh takin hetiang hian a dahthat theih niin an sawi bawk a ni.