Vur a inphum rei thei record siam
Swiss pa, vawt tuar thei zet mai, Elias Meyer chu vur (snow) ah darkar hnih chuang a inphum a, Guinness World Record a siam. Elias hian a taksa tihlum theihna chi eng thil mah a inbel lo va, kekawr bul chiah a ha!
Elias hi competitive powerlifter a ni a, taksa zawng zawng pil veka vur a darkar inphum tling thei tumah an la awm lo tih a hriat hnuah Guinness World Records siam tumin a thawk chhuak ta a ni. A hmaa hetiang record chu Polish Valerjan Romanvoski-a’n 2022-a a siam niin, ani hi darkar 1, minute 45 leh second 2 vurah a inphum thei.
Meyer hian a swimsuit chiah a inbel a, tichung chuang a nghawng chin zawng vuin an khuh pil ta vek a, chutiang chuan darkar 2 leh second 7 awmin record a siam ta a ni.
Meyer chuan vur vawtina taksa a hmeh ai pawhin a taksa delhtu vur rihna chu tawrh hrehawm a ti zawk niin a sawi a, “Vur rit tamin min delh a, a dar leh kiu a kham ngang mai. Chutah vur tlang hriamin a hnungzang a do ran mai bawk a, engtia han tihmah a theih tawh bawk si lo,” a ti.
Elias chuan he record a siam duhna chhan sawiin, “Kan taksa hian thil ropui tak tak a ti thei tih entir ka duh a ni,” a ti bawk.
Vur a inphum rei thei record siam
Get real time updates directly on you device, subscribe now.
Next Post