Wahsing machine tê ber

Wahsing machine tê ber
Indian zingah Guinness World Record siam an awm ve nual tawh a, talent nei tha tak, record ropui leh hmuhnawm tak tak siam pawh an awm nual tawh, thil tê reuh tê tê siamin, khawvela tê ber record siam te pawh an awm nual a, chung zingah chuan washing machine tê ber a tel.
He washing machine tê ber hi Sai Tirumalaneedi siam a ni a, ani hi Andhra Pradesh a cheng niin, a suangtuahna tipuitlingin khawvela wahsing machine tê ber hi a siam ta a ni. He washing machine hi 37 mm x 41 mm x 43 mm (1.45 in x 1.61 in x 1.69 in) leka lian a ni a, kutphaha hum bo tham leka lian a ni.
Hetiang khawpa washing machine tê hi ni mah se washing machine pangngai a thil awm ang chu a kim ve biai a, insuk nan pawh a hman ve theih tak tak a, mahse, a khawl a têt em avangin puan them te reuh tê bak a suk theih loh!