West Bengal-in anti-rape bill passed
West Bengal Assembly chuan lungrual takin Aparajita Women and Child (West Bengal Criminal Laws Amendment) Bill, 2024, chu September 3, 2024 khan voice vote-in an pawm a.
State Law Minister Moloy Ghatak chuan Assembly special session-ah hian anti-rape Bill chu pharhin Chief Minister Mamat Banerjee chuan ‘chhinchhiahtlak’ tiin a sawi.
He Bill hi tun hnaia State sorkar R.G. Kar Medical College and Hospital-a August thlaa hmeichhe doctor pawngsual thah zui takin a hrin a ni.
Sawihona neihnaah Banerjee chuan BJP legislators te chu State Governor chu he Bill hi hming ziah hnan tura tur turin a ngen bawk a.
“Pawngsual hi mihring mihrinna anchhelawhna niin hetiang sualna dan a nih theih nan social reforms kalpui a ngai” tiin Mamata Banerjee chuan a sawi a. “He Bill hi passed a nih hunah chuan police zingah special Aparajita Task Force din a ni ang a, chhuichianna chak taka kalpui zel a ni ang” a ti bawk a.
“Chhinchhiahtlak leh model Bill a ni a, mi ningkhawng hre chin chuan an thlawp vek tur a ni” tiin Banerjee chuan a sawi bawk a.
“Pawngsual tawk chhungte hnenah police tena an chingfel thei dawn lova a lan chuan case chu CBI te hnenah ka pe ang ka ti a. Tunah chuan he case hi CBI te kutah Calcutta High Court thupek angin a awm tawh a. CBI atangin justice kan phut a, CBI te hian thil tisualtu chu an khaihlum tur a ni,” tiin a sawi.
Opposition te Bill thlawp
State Assembly a Leader of Opposition Suvendu Adhikari chuan bill chu an thlawp thu sawiin Opposition BJP leagislator te chuan Bill chu hman nghal an duh tiin a sawi bawk a.
Suvendu Ashikari an Bill amendment ngiata rawtna a siam te erawh House-in a pawmpui lo thung.
Adhikari thusawi zawh hnuah Opposition MLA te chu au in Chief Minister Banerjee chu pawngsual leh tualthahna thleng kaihhnawihah a ban an phut bawk a.
Banerjee chuan chhang letin Prime Minister Narendra Modi, Union Home Minister Ami Shah leh State tin Chief Minister te an ban a phut thu sawiin ‘tute mahin hmeichhia te himna dan tha takin an kalpui thei lo vek’ a ti thung a.
“Ka laka slogan in aupui ang chiah hian Prime Minister leh Home Minister lakah aupui ve ila” tiin Mamata Banerjee chuan a zawtlet a ni.
Uttar Pradesh leh Gujarat angah te chuan hmeichhiate lakah hleilenna a sang em em a, West Bengal ah chuan hmeichia tihduhdah te chuan court ah justice an hmu thung zawk, tiin a sawi bawk.
Bill rawtna
Bil chuan pawngsualtu chu a pawngsuala te an thi emaw mi pangngai lova an chhuak zui emaw a nih chuan capital punishment pek tur a ti a. Chu mai bakah pawngsual leh gang rape a inhnamhnawih te chu parole hauh lova dam chhung lung in tantir tur a ni bawk.
Dan thar tura ruahman chuan hmeichhia leh naupangte chu nasa zawka chhanin pawngsual leh sexual offences kaihhnawihah provision thar a siam bawk a ni.