Britain player ve ve inkawp Alfie Hewett leh Gordon Reid tangdun chuan a zawna a kum ngana French Open men’s wheelchair doubles final an khel a, a vawingana atan an champion zui nghal!
Top seeds pair hian kumin final-a an khingpui second-seeded Japanese pair Takuya Miki leh Tokito Oda lakah 6-1 6-4 hnehna changin, an pahnih thawkduna Grand Slam doubles title vawi 20 an lak tlinna chiah a ni!
Englishman Hewett leh Scot Reid tangdun hi kum 2020, 2021, 2022 leh 2023 khan French Open-ah hian champion tawhin, Roland Garros-ah vawinga title an hlawhchhuak a, Grand Slam doubles title an lak dangte pawh – US Open, Wimbledon leh Australian Open-ah panga theuh a ni.
Briton pair hian September thlaa Paralympics hmachhawn turin Paris hi an lut leh ang. Kum 26 mi Hewett leh kum 32-a upa Reid hian set khatna hloh zet chungin semi-final-ah khan 3-6 6-2 10-8-in Argentina player Gustavo Fernandez leh Frenchman Stephane Houdet an paltlang hram a, final-ah erawh last four ang emin harsatna lian an tawk zui ta lo.
Wheelchair star pahnih Hewett leh Reid bawk ropui leh
Get real time updates directly on you device, subscribe now.
Next Post