Wine siam lamah awmze
nei zawkin hma kan la tan
– Agriculture minister
Zu khap burna dan ennawn a nih hnu ah wine siam lamah awmze nei zawkin hma lak tan a ni tih Agriculture minister PC Vanlalruata chuan a sawi.
Grape leh thei dang atanga wine siam dan leh heti lama sumdawnnaa hriat tur pawimawh inhrilhin Thawhlehni khan Aizawlah inrawnkhawm a ni a. Wine siam lama mithiamten an zirtir.
Hmanpuitu Agriculture minister chuan Mizoramah theirah tam tak uaiin-a siam theih leh man man zawka sawngbawl theih thei tam tak kan nei a. Kuthnathawktuten an thlai thar atanga sum tam zawk an hmuh theih dan leh state sum thawhchhuah tihpunna tur sawrkarin a ngaihtuah tih a sawi.
“Zu khap burna dan ennawn a nih hnu in wine siamna lamah pawh awmze nei zawkin hma lak tan a ni a. Wine sector-a hma sawn turin sawrkarin agriculture leh horticulture ah kuthnathawktute pui turin a inhawng a ni,” a ti.
Grape leh thei thenkhat atanga uaiin siam leh a kaihhnawih sumdawnna chungchang sawihona hi Mizoram Science, Technology & Innovation Council (MISTIC), Directorate of Science & Technology leh All India Wine Production Association tangdun buatsaih a ni a. Champhai leh Hnahlan Grape Grower Society member-te bakah Horticulture, Agriculture, Science & Technology Food & Drug Administration H&FW, MISTIC, Commerce & Industries leh Tourism department atangin an hotute leh mithiamte an tel a. India ram hmun hrang hranga grape chingtu, wine siamtu, wine lama tuipuitu leh sumdawng an tel a ni.
Wine chungchang hrim hrim bakah Mizorama wine industry tha leh nghelnghet siam kawnga policy siam leh rawtna awmte sawiho a ni bawk.
Wine siam lamah awmze nei zawkin hma kan la tan – Agriculture minister
Get real time updates directly on you device, subscribe now.