Winter Fair cum Flower Sh

Mizoram Florists Association leh Horticulture department tangdunin Aizawla Winter Fair cum Flower Show an buatsaih chu Thawhlehni khan tan a ni a, Horticulture minister Prof. Lalnilawma’n a hawng. November 22 thleng a awh ang.
Fair buatsaih chu pangpar lama eizawng leh a tuimite tan hlawkthlak tak a nih ngei a duhsak tih Prof Lalnilawma hian sawiin, pangpar chin chu horticulture hnuaia peng pawimawh tak pakhat a ni tih a sawi.
Fest cum Show-ah hian mipui lei tur pangpar chi hrang hrang phochhuah a nih bakah category hrang hrangah intihsiak a ni a, 97 telin a tha thlanchhuahte hnenah minister hian lawmman a hlan nghal a ni.
Mizoram Florists Association hi 1997 November 16-a din a ni a. Mizoram Society Registration Act hnuaiah kum 1998 khan an inziaklut a ni. Mizoram sawrkar nen tangdunin sawrkar hmun pawimawh chei leh enkawl hna an thawk thin a. Chu’ng zingah chuan kum 20 chuang Lengpui Airport chhung leh pawn lama pangpar leh plant chi hrang hrang chin leh enkawl a tel a ni.