Wolves boss thar O’Neil

On Aug 11, 2023 14 0

Wolves boss thar O’Neil
Wolverhampton Wanderers chuan Bour-nemouth boss hlui Gary O’Neil chu manager thar atan an senglut a, Julen Lopetegui a thlak.
O’Neil hian Bourne-mouth a enkawl chhung khan game 37-ah vawi 11 chiah a chakpui a, chuti chungin Wolves hian kum thum chhung atan inremna an ziahpui.
2023-24 Premier League season tan hma ni thum chiah awm tawh, Thawhlehni khan Moli-neux atanga Lopetegui ban thu hi nemngheh niin, season liamta Premier League-a Bournemouth 15-na nihpuitu O’Neil chungah rinna an nghat a, O’Neil hi June ni 19 khan Bournemouth-in an ban a, Premier League lamah a khawsa leh dawn ta tho a ni.
Kum 40 mi lek British coach O’Neil hi tun kum hnih lek chhunga Wolves manager palina a ni tawh!
Wolves sporting director Matt Hobb chuan Gary O’Neil fakin, a la naupang a, dinna nghet tak nei mi a nih bawkna chu an duh chhan a nih thu sawiin, Gary chu an club tana thlan tur dik tak a nih thu a tarlang tel.
Player a nih laiin O’Neil hian Portsmouth, Middlesbrough, West Ham, QPR, Norwich leh club dang tan game 450 chuang a khel tling a; August 2020 khan coaching hna chelh tanin Liverpool Under-23 team-ah assistant manager hna a thawk a; a hnu February 2021 khan chutih laia Bournemouth manager Jonathan Woodgate-a hnuaiah coaching hna a thawk zui leh.
Liverpool laka 0-9 tehrenga August 2022-a Cherries an tlawm hnu lawk khan Scott Parker banin Bournemouth chuan interim boss atan O’Neil an lalut a, No-vember thlaah manager nghet atana ruai zuiin, kum khat leh a chanve atan contract an ziahpui a, thla 12 atana pawhsei theihin inremnaah an ziak a; a team chu Premier Lea-gue game 11 atangin point 13 a hmuhpui a, England chhim lam tuifinriat kam team chu 17-na atangin 14-na a nihpui.