World Cup thlen tumin ram pathum inhmukhawm

Morocco, Portugal leh Spain te chuan World Cup 2030 inthlen tawm an tum a, World Cup thlen an dil chungchangah an FA president-te theuh an inhmukhawm.
FIFA World Cup kum 50 na hi World Cup thleng hmasa ber Uruguay pawhin thlen an tum a. South America khawmuala football ram ropui Argentina leh Chile te nen inthlentawm tumin hma an la mek a. A chawrchhuahna ramah ngei World Cup Golden Jubillee hi lawm ngei an tum. Hetihlai hian World Cup thlen dil ve dang Saudi Arabia erawh chu an inhnukdawk ve thung.
World Cup 2030 thlen tumin Europe ram pahnih Portugal leh Spain in hma an lo la dun tawh a. South Africa khawmuala ram pakhat Morocco chuan Portugal leh Spain zawmin World Cup thlen an tum thar ve leh. Morocco hi World Cup 2022 Quarter-final ah Portugal hnawtchhuaktute kha an ni. Portugal, Spain leh Morocco te hian an dil hlawhtling a nih chuan khawmual hrang pahniha World Cup a thlen rual vawi khatna a ni ang.
World Cup 2030 thlen an tum chungchanga inhmuhkhawmnaah hian Fouzi Lekjaa, president of the Moroccan Football Federation (FRMF), Pedro Rocha, president of the Spanish Football Federation’s board of directors leh Fernando Gomes, president of the Portuguese Football Federation te an tel.
Tarlan tawh angin World Cup 2030 hi Argentina, Chile leh Uruguay ten thlen an dil a. Portugal, Spain leh Morocco ten an dil bawk a. World Cup 2026 ang thoin ram pathumin an inthlentawm leh ngei dawn tih a chiang ta a ni.