Wrestling zirna buatsaih dawn

Mizoram Wrestling Association (MWA) buat-saihin September ni 27-29, 2023 chhung hian Kolasib-ah Inter District Wrestling Championship nghah a ni dawn a, wrest-ling zirna tur non resi-dential coaching camp a buatsaih dawn bawk.
Tun hnaiah MWA chuan wrestler tha zawk chherchhuahna turin district wrestling asso-ciation awm tawhna hmunah training a buat-saih chho mek zel a, Mizoram State Sport Council leh Mizoram Wrestling Association thawhdunna hnuaiah Non Residential Coa-ching Camp chu MSSC Ramhlun Sport Complex Wrestling Hall-ah a thlawna a duh a piangte tana chhim theih tur wrestling zirna a buat-saih dawn a ni.
Wrestling zirna hi ni August 1, August, 2023 atanga bul tan tur niin, tlai lam dar 3:30 atanga dar 5:00 inkar chhung wrestling NIS coach F. Vanlalsiama coaching-na hnuaiah zir tur a ni ang. Registration hi a zir duh a piangin a hmunah tih fel tur a ni.
Kolasib-a Inter District Wrestling Championship 2023 khelh turah Mizoram chhunga wrestling lama tui mite chu tel vek tur leh a hnaivai wrestling club-a inziaklut turin MWA chuan a ngen bawk a ni.