YMA Day-ah kawr thianfai

YMA Day pualin Republic Veng Local Council leh YMA Branch huaihawtin Inrinni khan an huamchhunga luikawr thianfaiin khawtlang an hnatlang a. Save the Riparians-in an pui a ni.
Hnatlangpui hi Aizawl mayor Lalrinenga Sailo chuan a khuhhawng a. Aizawl khawpui tifai turin kan la tlai loa, a harh chhuak hmasaah Republic Veng an tang chu lawmawm a tih thu a sawi. Kan septic tank thli paih dan leh bawlhhlawh paih danah hma kan sawn a tul hle tih a sawi a ni.ni.
Hnatlangpui neih hma hian chhiatrupna laka invennan Republic Local Council leh YMA hian an vengchhungah tui chhe paihna dinhmun an zirchiang hmasa a. Tui chhe paihna nei tha lo in chu siamtha tura tih an nih bakah vantlang rama tui chhe paihna tha tawk lo siamthat dan tura hma lak an la tum bawk.
Save the Riparians hi tunhnaiah luikawr leh luikam tihfai kawngah hma an nasa hle a. Frontline leader Romalsawma chuan a hmun hrehawm lai, kal hrehawm lai pawh ni se, Save the Riparians-in hma hruai zel an inhuam tih a sawi a ni.