YMA hi Mizo hnam venghimtu – Lalruatkima

YMA hi Mizo hnam venghimtu
– Lalruatkima
YMA chu Mizo hnam venghimtu, Mizo hnamin beih a tawh changa penchhuak thin a ni tih minister Lalruatkima chuan a sawi.
Inrinnia Aizawl West Joint YMA Sport kharna a hmanpuinaah an adviser ni bawk Lalruatkima chuan, Mizote chu Zawlbuk nei thin kan ni a, Zawlbuk hun a liam a, YMA chu kan Zawlbuk a lo ni ta, tia sawiin, “YMA hi Mizo hnam venghimtu a ni a, kawng hrang hranga Mizo hnamin beih a tawh chuan YMA a penchhuak thin,” a ti. Kan ram leh hnam rohlu YMA a vul zel nan mi zawng zawngin ke kan pen a ngai tih a sawi.
Zan khaw tairek leh fur chhia karah pawh YMA chuan chhiat tawh nikhuain mite leh milian a thliar ngai lo tih a sawi a. Tanpui ngaite tan kulhpui nghet a ni reng tih a sawi. Kan ram chhe ta vek anga kan sawi fo thin chu a dik lo, tiin, “Mi tha leh rinawm tak tak thahnem tak an la awm reng a ni,” a ti.
Aizawl West Joint YMA huamchhungah hian YMA Branch 7- Dawrpui Vengthar, Chawnpui, Dinthar, Hunthar, Kanan, Vaivakawn leh Zotlang an awm a; infiamna discipline hrang hrang – Badminton, Basketball, Tug of War adt ah inelin Kanan Branch chu over-all a champion an ni.