YMA Inkhawmpui Lian-in Ram leh Hnam Humhalh Kum puan tum

YMA Khawmpui Lian vawi 74-na chu Biateah October ni 24 zan a\ang khan neih a ni a, kumpuan atan ‘Ram leh Hnam Humhalh’ an thlang.Thawhlehni zan khan palai lawm inkhawm an nei a, Fabian Lalfakawma, Central YMA treasurer-in kaihruaiin, Prof. Lalnuntluanga, general secretary-in report a pe a, Roneihthanga, finance secretary-in 2023 chhunga Central YMA sum chetvel dan report a pe. Zaithiam engemawzat zaiin Lemchan leh Mizo rimawi tum thiamten hun an hmang bawk a ni.
Nilaini chawhma dar 11 khan inkhawmpui palai mi 1579 te’n ro an rel a, Central YMA president R Lalngheta’n a kaihruai a ni. YMA khawihah agenda paruk an rel a, sorkar khawihah agenda pahnih an rel.
2023-2024 Central YMA Budget atan Rs 2,01,11,760/- an pawm a, kumpuan atan Ram leh hnam humhalh tih chu palaite’n ban pharin an thlang.
75th YMA Inkhawmpui Lian, 2025 thlengtu atan Sakawrdai Jt YMA an thlang a ni.
Nilaini zan khan vantlang inkhawm neih a ni a, Ningani hian Zialung Rûnah 2023-2025 chhunga Central YMA Office Bearers tur an thlang ang.
YMA thurelte
YMA khawih
1. Environment humhalhna kawngah hian Central YMA-in tun aia chak zawkin hma la rawh se.
2. Hmun hrang hranga awm Zofate kan inpumkhat lehzual theih nan tun aia chak zawkin Central YMA-in hma la rawh se.
3. Social audit hi \ha zawka kalpui a nih theih nan leh mipuiin kan hlawkpui theih nan hmalak ni rawh se.
4. YMA te’n sorkar department kan thawhhopuite jhi zirchian a, thawhpui awm chauh thawhpui tawh ni se.
5. Environment clearance tel lo chuan Mizoram chhungah hmasawnna hnathawh a nih tawh loh nan Central YMA-in hma la rawh se.
6. Tuihna humhalh kawngah Central YMA-in uar zawk leh nasa zawka hmalak ni rawh se.

Sorkar khawih
1. Quality education a awm theih nan sorkarin tun aia chak zawkin hma la rawh se.