Samson Lalhunruata leh J Lalrosanga te Yout Icon intihsiakna atangin an tla ve leh ta a, tunah chuan intihsiaknaah pali chauh an awm ta a, top 4 contestant- Lalbiakkima Hnamte, Thentlang, Lalsangliana, Bawktlang, Peter Lalnunpuia, College Veng leh Ramengmawia, Meidum te hi Thawhlehni zanah hla pahnih theuh sain an intihsiak nghal a, nizanah show a awm lo va, zaninah top 3 tling te an puang a, an intihsiak zui nghal anga, Zirtawpni zan an awl leh ang a, Inrinni zanah grand finale an nei tawh ang.
J. Lalrosanga hi round hmasa lam atanga boruak nei lian nghal, fans pawh nei ngah ber te zinga mi a ni a, Icon a nih mai rinna pawh a lian hman hle a, mahse, top 10 intihsiakna chinah round hmasa lama a boruak a pha ta meuh lo a, tuna a tlak hma pawhin dinhmun hlauhthawnawmah a ding zauh zauh a, Thawhlehni zan result puanah a tla pahnih zingah a tel ta a ni.
Kumin Youth Icon-ah hian Icon-in lawmman Rs 2,00,000 leh trophy a dawng dawn a, Pahnihnain Rs 1,00,000 leh trophy leh Pathumnain Rs 70,000 leh trophy a dawng dawn a, top 10-a lang midang zawngin Rs 10,000 theuh an dawng bawk ang.
Youth Icon hi Mizorama reality show kan hmelhriat hmasak ber niin, a boruak a lian nghal hle a, he show kaltlanga rimawi khawvela hlawhtling zui ta pawh an awm a, mahse, tun hnaiah he show hi a thawm a zawi ta deuh a, a show hmasa lam boruak a pha ta meuh lo a, kuminah rawn intuai thar lehin, boruak lian zawk a rawn nei leh thei ta a ni.
Youth Icon-ah pali chauh an awm ta
Get real time updates directly on you device, subscribe now.
Next Post