YouTube-a 1B en hlawh theih music video neih tamah Bad Bunny-a’n J Balvin-a record a nihrual

YouTube-a 1B en hlawh theih music video neih tamah Bad Bunny-a’n J Balvin-a record a nihrual
Bad Bunny chuan YouTube-ah vawi tluklehdingawn en hlawh theih music 14 a nei tling ta a, vawi tluklehdingawn en hlawh thei music video ngah ber J. Balvin-a record a nihrual ta.
Bad Bunny hian Nacho leh Yandel a thawhpuina ‘Bailame (Remix) music video chuan YouTube-ah vawi tluklehdingawn en a hlawh ta a, lead artist emaw featured artist emaw collaborator emaw anga YouTube-a vawi tluklehdingawn en hlawh thei music video ngah ber a ni ve ta a ni.
‘Bailame (Remix)’ music video hi April ni 11, 2017-a YouTube-a upload a ni a, chutihlai chu Bad Bunny rawn lar tirh lam kha a ni a, Hot Latin Songs chart-ah No.5 a kai pha a ni.
Kumin kumtir lam khan Bad Bunny hla, J Balvin nena an thawh dunna ‘Si Tu Novio Te Deja Sola’ chuan YouTube-ah vawi tluklehdingawn en a rawn hlawh a, hei pawh hi 2017-a tihchhuah tho kha a ni.
Bad Bunny music video zingah ‘Te Bote (Remix),’ ‘Mayores,’ leh ‘No Me Conoce (Remix)’ te chuan YouTube-a vawi tluklehdingawn 2 chuang en an hlawh theuh tawh bawk a, a hla dang Lunay, Daddy Yankee & Bad Bunny “Soltera (Remix)”; Prince Royce, J Balvin, Bad Bunny, DJ Luian & Mambo Kingz “Sensualidad”; “Yonaguni”; Arcángel & Bad Bunny “Me Acostumbré”; leh Farruko, Bad Bunny & Rvssian “Krippy Kush” te pawhin YouTube-ah vawi tluklehdingawn en an hlawh tawh bawk.
J Balvin hian August thla tirah khan YouTube-a music video vawi tluklehdingawn en hlawh thei ngah ber record a rawn siam a, ani hian Ozuna leh Justin Bieber te record a rawn lehpel a, tunah chuan Bad Bunny-a’n a record hi a rawn nih rual ve ta a ni.