Zaimi ten ‘Ka Va Ngai Em’ tiin PC-a an thlah

Hlaphuah thiam, producer leh promoter, Rimawi Khawvel chanchinbu editor leh Rimawi Khawvel Award buatsaihtu ni bawk PC Lalthakima chu nimin khan Ainawn Veng a YMA Hall-ah vui niin, a vuinaa hian MZI leh MDM member ten ‘Ka Va Ngai Em’ tih hlain an thlah. PC Lalthakima hi June ni 2, 2025, chawhma dar 11:25 khan Civil Hospital, Aizawl-ah a thi a, lumen a nih hnuah nimin khan vui liam a a ni ta a ni.
PC Lalthakima hi Mizo rimawi khawvel tana thawhhlawk tak niin, a hla phuah hriat hlawh tak tak a awm nual a, chung zingah chuanLiandingpuii sak ‘Thiamchanna Kraws,’ C. Lalhmingmawii sak ‘Kum Sangbi Thar,’ VL Neihthangi sak ‘Ka Hmangaih Isua,’ tih te pawh a tel a, ram ngaih hla a phuah, Lalrindiki Khiangte (Daduhi) album ‘Ropuiliani’ ami ‘Aw Zoram Nuam’ tih hla leh Ramhlun North YMA zaipawlin an sak ‘Zoram Pangpar YMA’ tih hla tha tak tak te pawh PC Lalthakima-a phuah an ni.
PC-a hiah 2022 atang khan a hriselna lamah insawiselna nei tanin, theih ang angin a inenkawl a, 2023-ah Joseph Zaihmingthanga tribute an buatsaih lai pawhin a hriselna a pan tawh viau a, tunah hian Rimawi Khawvel kum 25 tlin champha pualin Rimawi Khawvel Award pawh pui tham taka buatsaih tuma hma a lak mek laiin hetiang hi a lo thleng ta a ni.