Zaipawl kum chawhruala upa ber

An zaipawl kha an thalai seng sawng lo ve khawp mai, kum 90 leh 99 inkar vek an ni a, member 17 awmin, an zaipawl member zawng zawng kum chawhrual chu kum 94 a ni a, Guinness World Records-in khawvela zaipawl kum chawhruala upa berah a puang. Prime Timers Choir an ni e, keini rama Old Timers inti thin te ai pawhin an old deuh zawk a nih hmel khawp mai!
Prime Timers Choir hian Krismas dawnah concert te pawh an la nei thei a, nikum December ni 19 khan Stratford-Upon-Avon a Runwood Homes buatsaihin Crowne Plaza Hotel-a Grand Ballroom-ah concert neiin, an concert-ah hian Tony Christie pawh a telin, ‘Amarillo’ leh ‘Silent Night’ te an saho nghe nghe a ni.
He concert-ah hian ‘Jingle Bells’ leh an hla thar ‘Christmas Through the Years’ pawh an sa a, an zai hmain, “Krismas a ni a, kan upa tawh em mai tih a awm thei bik lo,” tiin fiamthu an la thawh am am a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More