Zaninah Miss Mizoram 2026 Grand Finale

Miss Mizoram 2026 Grand Finale chu zanin dar 8 hian R Dengthuama Indoor Stadium-ah neih a ni dawn ta a, Zonet TV leh YouTube (memnership) lamah live a tihchhuah a ni dawn a, Mizo Idol Emmanuel-a leh Idol star Zomuansanga te an perform bakah Jaui a che dawn bawk e. Grand Finale hi a hmuna chhim duh tan ticket Rs 100 & Rs 300 man a awm ang.
Kumin hian contestant 20 awmin, show an kalpui thin danah chuan top 10 an puang a, chuta tangin top 5 puang lehin, chuta tang chuan winner an thlang leh thin, winner hi Miss Mizoram 2024 Jennifer Lalrinzuali’n Miss Crown a khum tir dawn a ni.
Kumin atang hian Miss Mizoram hian crown thar an nei dawn a, Miss Mizoram tan bik liau liaua design chu hman thin a ni tawh dawn a, crown tharah hian Miss Mizoram logo pawh a rawn chuang vâng tawh dawn a ni. Hetirual hian crown thar hi an rawn thawnnaah Delhi-ah a zawnin ni hnih- Wednesday leh Tursday khan an off-load tlat mai a, vawiin hi chuan rawn thleng thei ngei tawh turin an beisei a, zaninah Miss Crown thar hi kan hmuh theih ngei beisei ang.
Kumin Miss Mizoram winner hian lawmman Rs 2,00,000 bakah scooter thar leh foreign trip a dawng dawn a ni.