Aizawl to Tuipang inkar kawng, National Highway 54 zauh hna thawh mekah tunhnaia ruahsur nasa avangin Zemabawk khawchhunga kawng zauhna atana siam retaining wall a chim a, a siamthat hna thawh nghal ni mah se, ruah tla reng avangin kawngpui hi a min belh zel a. Kawng hi metre 3/4 vel chauha zau a nih tawh avang leh kawngpui hnuai lei hi a nghet tawk loa a lan avangin lirthei tlan nghawrah chhiat belh zel thei a ni a. Lirthei tlan dan tihdanglam deuh a ni.
Aizawl DC, AMC, Geology & Mining department, Traffic Police, NHIDCL company leh Zemabawk Local Council ten a hmuna an enho hnua ruahmanna an siam angin SP Traffic Aizawl chuan mipui hriattirna a tichhuak a. June 22 atanga July 1 thleng helai kawngpuiah hian lirthei lian (HMV) tlan tlang phal a ni lo. He kawngpui paltlang tur bungraw phur lirthei lian (HMV) chuan Ch. Saprawnga Truck Terminal Rangvamualah an bungraw phurh chu lirthei dang (LMV/MMV) ah hlanchhawn tur a ni a. Khawchhak lam atanga HMV, bungraw phurte chuan City Bus Terminal Zemabawk Berawlui atangin lirthei dang (LMV/MMV) a hlan chhawn tur a ni.
He ruahmanna hi a tul a nih chuan pawhsei tur a ni ang.
LMV leh MMV (bawlhlawh paih lirthei) chu a hmuna Police/ Traffic Police/ company aiawh duty-te ruahman angin a remchan dan anga tlantir tum a ni a. City bus chu Zemabawk Filling Station bula kual tur a ni.
He thupek hian kawng siamthat hna thawh zawh a nih hma a huam anga, tluang taka hna thawh a nih theih nan kea kalte leh lirtheia veivakte fimkhur tur leh a hmuna Police/ Traffic Police/ company aiawh duty-te thu ngaichang turin mipui a ngen a ni.
Zemabawkah lirthei tlan dan ruahman
Get real time updates directly on you device, subscribe now.
Prev Post
Next Post