Zirlai hnenah an tana hriat tur tul hrilhhria

Aizawl Municipal ward 10-na huamchhunga sawrkar enkawl school-a middle zirlaite hnenah HIV, ruihhlo leh mipat hmeichhiatna lama an hriat tur hrilhhriat an ni.
AMC Ward No.X corporator Chuauzikpuii ruahmanna in, a ward huamchhung – Chawnpui, Zotlang Zonuam leh Ainawn Venga government middle school zirlai 200 chuang chu Thawhtannni khan kohkhawm an ni a. ‘Children’s Day cum HIV/AIDS, Drugs & Sex Awareness Campaign’ neih a ni. Corporator bakah MSACS atanga resource person-te atangin thusawi ngaihthlak a ni a, zai leh lam nen hun hman a ni. Zirlai ten an talent an pholang bawk.
AMC Ward X corporator chuan a bial chhunga zirlaiten HIV/AIDS, ruihhlo leh mipat hmeichhiatna lama an hriat tur tul an hriat a duh avanga workshop hi ruahman a ni tih a sawi a. Zirlai leh zirtirtu kalte chungah lawmthu sawiin, mithiam thusawite zirlaiten an hlawkpui ngei a beisei tih a sawi.