Zirlaibu sem kim thuai turin sawrkar kan phut – AAP

Mizoram sawrkar sikul hrang hrangte an tlawh kual hnuin zirlaibu sem kim loh na sikul tam tak a awm thu AAP hruaitute chuan an sawi a. Zirlaibu sem kim thuai theihna’n larsap hnenah hma lakpui turin ngenna an thlen tih an sawi bawk.
Sikul tan atanga thla thum ral hnu ah pawh zirlaibu sem kim ala ni lo chu zirlaite an khawngaihthlak hle tih an sawi a; thlaleh mai hi exam a ni tawh chung pawhin, pawl 7 science, hindi leh maths zirlaibute chu a chhutu tur ten an la chhu miah lo niin an sawi bawk.
AAP Mizoram chuan zirna leh hriselna an ngaipawimawh ber tih sawiin, inthlanpuia MLA an nei a nih chuan MLA fund atangin zirna leh hriselna atan 20% ve ve dah an tum tih an sawi a. Zirlai harsa zawkten zirlaibu an neih kim thuai theihna’n theihtawpa hma lakpui zel an tum thu leh a tul a nih chuang kawng zawh hial pawh pawi an tih loh thu an sawi a ni.