Zirlaite pui thei tur TV channel siam thar

India ram pum tana zirna pual liau liaua Ministry of Education-in a duan television channel 200 chuang chu a rualin July 29 khan hawn a ni a. Mizoramah pawh School Education minister Lalchhandama Ralte chuan Mizoram tan PM eVIDYA DTH TV channel pahnih a hawng.
Heng TV channel hi ram puma zirlaiten zirna inang leh intluktlang an dawn theihna tura ruahman niin, “One Class One TV channel” tih thupui hmanga duan a ni.
Heng channel hi DTH TV kaltlangin PM eVIDYA MZ128 leh PM eVIDYA MZ129 bakah YouTube lamah ‘SCERT Mizoram Zirna Kailawn- Learning Ladder’ leh ‘SCERT Mizoram Zirna Lamtluang- Learning Pathway’ ah live stream a ni thin dawn a, englai pawha en reng theih tura chhawpchhuah a ni ang. TV channel enkawl hi State Council of Educational Research and Training (SCERT) kutah a awm a, state coordinating agency atana ruat a ni a. A chhuah tur content buatsaih pawh an kutah a awm.