Zirlaiten nature tour nei dawn

Zirlaiten nature tour nei dawn
Nature Learning Centre (NLC) Mizoram chuan Mizorama college paruk atanga thlan zirlai leh official mi 45 chu ‘nature tour’ nei turin a tirchhuak dawn a, Thawhtanni khan Aizawl atangin conservator of Forests Central Circle Laltlanhlua Zathang chuan a vailiam.
Nature tour atan hian college 6 – Govt Champhai College, Govt Serchhip College, Govt. Zirtiri Residential Science College, Pachhunga University College, Govt Aizawl College leh J Thankima College atangin thlan an ni a. Kar khat chhung, February 6 thleng a awh ang. Kaziranga National Park, Guwahati Zoo, Ramsar site-Deepor Beel, Vulture Breeding Centre, Pygmy Hog Breeding Centre leh Conservation Centre pawimawh dang an tlawh dawn a ni.
NLC Mizoram hi kum thum chhung project niin Champhai Forest Division hnuaia kalpui a ni a. National Action Plan on Climate Change hnuaia mission pariat zinga pakhat – National Mission on Himalayan Studies atangin fund hi hmuh a ni.