Zirtirtu natna khirh tuarte tana fung khawn tihpun rel

School calendar-in a tarlan anga September 4-a Zirtirtute Ni hman dan tur relin State Working Committee for Celebration of Teachers’ Day chu Thawhtanni khan School Education minister Dr Vanlalthlana hoin an thukhawm.
State Working Committee thurel hrang hrang zingah zirtirtu dam lo leh natna khirhkhan tuarte tanpuina, National Foundation for Teachers Welfare (NFTW) Fund-a pawisa thawhzat chu Rs. 200 atangin Rs. 300-a tihsan nise; Teachers Welfare hnuaia budget provision Rs. 100000 awm chu NFTW account-ah chhun luh leh nise, an ti.
District Level Teachers’ Day lawm chungchangah district tina bawrsap chairman-na hnuaiah lawm dan rel nise, zirtirtu chawimawina dawng tawhte tan anmahni khua leh vengah chawimawina hun siam nise, an ti bawk.