Zirtirtuten common uniform duh lo

Zirtirtuten common uniform duh lo
Mizoram Education Reforms Committee-in sawrkar school ho zirlaite uniform inang hman chhunzawm zel an duh leh duh loh a rawnnaah zirtirtu intelkhawm pawlin an duh lo tih sawi a ni.
Education minister Dr Vanlalthlana’n thuthar thedarhtute a hrilh danin, sawrkar hmasa in common school uniform a kalpui chu chhunzawm leh chhunzawm loh an duh tih inrawnkhawmnaah hmun thuma thena hmun hnihin an duh tawh loa, zirtirtu pawl lam pawh a duh lo zingah an tel tih a sawi a ni.
Hei vang hian common uniform hi hman chhunzawm a ni dawn loa, uniform chungchang chu school kuta dah niin, tuna common uniform hmang chhunzawm duh an awm a nih pawhin school thuneihna a ni a, thlak duh an awm pawhin chuti tho chu a ni tih a sawi.