ZO FEST hriatrengna lung siam

Mizo Zirlai Pawl buatsaiha ZO FEST hman tawhna hriatrengna lungphun chu Thawhtanni khan MZP president hlui, minister Lalchhandama Ralte chuan a hawng.
Minister chuan ZO FEST chu Zohnahthlakte inpumkhatna Kut atana buatsaih a ni, tiin, MZP-in Kut ropui leh hnam tana hlu a buatsaih chu hlu a tih thu a sawi a. MZP president a nih laia ZO FEST buatsaih tan a nih avangin Aizawla ZO FEST tum thum – kum 2004, 2006 leh 2009 an hman tawhna hriatrengna lungphun hawngtu atana sawm a ni chu lawmawm a tih thu a sawi.
Zohnahthlakte inpumkhatna a ngaihpawimawh thu sawiin, MZP ngenna angin, an chenna buai avanga Mizoram rawn bel zirlaiten kum hloh loa zirna an chhunzawm zel theih nan sawrkarin theihtawp a chhuah tih a sawi a ni.