Zofate Thlahtu |obul Chhuina lehkhabu tlangzarh

Zofate Thlahtu |obul Chhuina lehkhabu tlangzarh
Nimin khan Zofate Thlahtu |obul chhuina lehkhabu “Introduction to Zoram Thar Encyclopedia, Rev. Dr. Zaichhawna Hlawndo ziah chu Synod Conference Hall, Sikulpuikawnah H. Lalhmingzamin a tlangzarh a, Upa C. Lallunghnema’n lehkhabu thlirlawkna hun a hmang.
Rev. Dr. Zaichhawna Hlawndo chuan he lehkhabu hi Pathian Thlarau Thianghlim hriattirna a dawn leh uluk taka zirchianna a neih atanga a ziah chhuah a nih thu a sawi a. Zofate hi kan thlahtu bul pawh hre lovin kum tam tak kan lo bo tawh a ni, a ti. He lehkhabu hi Zofate China atanga kan chhuah dan ni lovin China-a kan luh dan chhuina a ni a. Bible-ah Nova fapa Shema thlah kal zel Abrahama fapa Isaka, Isaka fapa Jakoba, Jakoba fapa Zosefa thlah te kan ni tia chhuichhuahna a ni. He lehkhabu hi Zofate hnama kan harhna tur dik tak kan hriatna atana khuhhawnna bu a ni, a ti bawk.
Lehkhabu tlangzarhnaah hian Mizo Academy of Letters (MAL) hruaitu, Pathianthu zirmi (Theologian), chanchin chhuimi (Historian), kohhran hruaitu, hnam hrang hrang aiawh, political party aiawh, media leh NGO hrang hrang aiawhte an tel.