Zokhawsangah AR leh loneitute inhmachhawn
Zokhawsanga Assam Rifles awmna hmun paltlanga huan lo neitute chu Thawhtanni khan Assam Rifles lam nen an harsatna sutkian tumin an inhmachhawn a, inremna siamin an lo hi kal phalsak an ni.
Thudawn danin, Zokhawsang ram, Assam Rifles awmna tura ruahman paltlang hian lo nei engemawzat awmin, Zokhawsang Farmer’s Society tiin an indin a ni. Assam Rifles-in helai hmun luah tura an insingsak tan hnu, tunhnaiah heng loneitute hi Assam Rifles awmna paltlanga an lo pan remtih sak an ni tawh loa, an lo an enkawl hleitheih loh avangin harsatna an tawk a ni.
Hemi chungchang hi anmahni bialtu MLA ni bawk chief minister hnenah pawh an lo thlen tawh a, chief minister hian Assam Rifles hotute pawh a lo be tawh a, an hotute thu anga ti an nih avang leh an hotupa ber hi a zin bo hlan a nih avangin a lo haw hunah lo chuan order hi an tidanglam ngam lo niin an lo sawi ve thung a, lo nghak rih turin an ti niin thudawnna dang chuan a sawi a. Assam Rifles awmna hel theihna tura PWD-in kawng (approach road) an sial pawh hman loha a awm reng hnu in siamthat tum mek nia sawi a ni.
Hetihlai hian April 10 chawhma khan Zokhawsang Farmer’s Society lam hian an lo enkawl ngai an tih tawh avangin Assam Rifles lam nen an inhmachhawn leh a, inremna siamin AR awmna hi kaltlang phalsak rih an ni.
Zokhawsangah AR leh loneitute inhmachhawn
Get real time updates directly on you device, subscribe now.
Prev Post
Next Post