Zoram pumah Good Friday hmang
Mihringte chhandam tura kraws-a Isua Krista khenbeh a nih champha, Good Friday chu April 7 khan khawvel hmundang rualin Zoram pumah hman a ni a, kohhran hrang hrangten hun an hmang a ni.
Kohhran tam zawk chuan Ningani zan, Isua Krista khenbeha a awm hma ni ‘Maundy Thursday’ atangin hun an hmang tan a, zan inkhawmah Lalpa Zanriah Sakramen kil hoin, kohhran thalai lamin Lal Isua Krista khenbeh tura man a nih zan a nih avangin, ‘Venpui Zan’ te an hmang bawk.
Good Friday ah hian chawhma inkhawm atangin chhun leh zan lam thleng programme an siam a, thupui awmsa hmangin Pathian thuchah ngaihthlak a ni. Kohhran thenkhat chuan chawhma inkhawm banah thingpui ruai an theh a ni.
Catholic kohhran chu Good Friday hmang urhsun zingah a tel a. Hmun hrang hrangah ‘Kraws kawngzawh’ an huaihawt a, Isua Krista tawrhna tawmpuina’n chaw an nghei bakah Kraws chawimawina hun an hmang bawk.
Zoram pumah Good Friday hmang
Get real time updates directly on you device, subscribe now.
Prev Post
Next Post