Zoram Thar-in puihna hlan

Zoram Thar Zofate Lairelna Inpui hruaitute chuan Manipur Zofate tanpuina hlanin September 4 khan Lamka an thleng.
Indigenous Tribal Leaders’ Forum (ITLF) hruaitute leh Lamka Joint Artistes nen Meitei nena Thawhlehni khan inbeihna bawr (front line) leh Relief Centre-te tlawhin tanpuina – dal, chana, sa leh damdawi hrang hrang an sem. Relief centre leh front line paruk – Chingphei, Sehping, P. Geljang, Pangjang, S. Lonphai leh Khousabung an tlawh a. Hemi zan hian Rayburn Presbyterian Kohranah hun an hmang a ni.
Nilaini khan martarte hriatrengna hun an hmanna, Wall of Remembrance-ah Zoram Thar hruaitu Rev Dr Zaichhawna Hlawndo leh ziaktu lian Lalruatfeli Hlawndo ten thu an sawi a. Tawngtai, zai leh thusawia hun hmangin, dawr leh office khar vekin mipui tam tak an pungkhawm.
‘Zofate kan party, pawl leh chibil indaidanna thiat zelin, Krista tan kan inpumkhat a tul takzet a. Zofa zawng zawng Pathian remruat ang zela kan independent tur thu te, Manipura Zofate tawrhna a thlawn dawn loh thu te sawiin mipui thlamuan an ni,’ tiin, vawiin lamah pawh hun an la hmang dawn tih Zoram Thar hruaitute hian an sawi.