ZO Re-Unification Organisation (ZORO) Gen. Hqrs chuan kan unau Zomi, Chinland Council /CNF/ Chin Brotherhood adt. inkara engemaw thu inhmuh fuh loh avanga buaina awm chu pawi a ti hle a. Heng kan unaute hi thlah khat, thisena inzawm vek kan ni a. ZORO chuan lungrual taka awm tur leh unau kan nihna tilang turin a duh a ni.
ZORO Executive Committee thukhawmin a lo rel tawh angin, remna palai hna thawh a ni a. Zomi Re-Unification (ZRO) leh ZORO hruaitute inbiak a ni tawh a. Chinland Council /CNF leh ZORO hruaitute nen inbiak a ni tawh bawk.
ZORO hruaitute thlazar hnuaiah a huhoa inbe leh turin ruahman mek a ni. A rang lama neih thuai tum a ni.
ZORO chu khawvel hmun hrang hranga awm Zofate lungrual tak leh kan insuihkhawm theih nana hma latu a ni a. Zofate chu unau vek kan ni a, unau inhmelhai a tha lo a ni tih hria a, an inhmuh thiam lohna chhunzawm loa titawp turin kan ngen a ni. Zofate inkarah remna a awm theih nan ZORO chuan palai hna a thawh chhunzawm zel dawn a ni.
ZORO-in remna kawng zawng
Get real time updates directly on you device, subscribe now.
Next Post