ZPM hotute dawt 100 sawi hal

MNF Thalai Hqrs. chu Zirtawpni khan Vanapa Hall kawtah pungkhawmin ZPM hotuten dawt hrang hrang an sawi 100 an lakkhawm chu an hal.
MNF Thalai president Robert Romawia Royte, MLA chuan, dawt hal programme an siam chu mimal huat vang emaw intihmualpho tumna emaw lam niloin, dawt sawi hi kan hnam leh sakhuana atan a that loh avangin, dawt duhloh lantirna siam an ni tih a sawi. Sawrkar hotute pawhin insiamthatnan hmang se, MNF party ngei pawhin insiamthatna bul tan nan he dawt hal programme hi hmang tangkai ve se a duh tih a sawi a ni.
MNF Thalai chuan dawt hal tur list hi puangin, dawt a ni ngei tih finfiahna document leh video proof an nei vek tih an sawi,
Hetihlai hian ZPM Thalai Hqrs chuan MNF Thalai-in dawt bawm hal an huaihawt chhan ber chu Pu Zoramthanga MNF president atana an rintawk tawh loh zia leh a dawt sawi avanga MNF party chu Zoram mipui hnawl an nih zia an lantirnaah an ngai tih a sawi a. MNF Thalai-in dawt bawm an hal ruala an hal sak ve tura an duh chief minister hlui Pu Zoramthanga thusawi 43 chu list an chhawpchhuak ve thung a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More