Kuthnathawktute dinchhuahna atan sawrkar thawhdun a ngai – Union MoS for Agriculture

India sawrkarin kuthnathawktute sum lakluh tihpun tuma hma a lak meknaah, tuna harsatna awm sukiang turin central leh state sawrkar an thawh dun that a ngai tih Union minister of state for Agriculture and Farmers Welfare Bhagirath Choudhary chuan a Zan hnih riaka Mizoram rawn tlawhtu Union MoS hian Zirtawpni khan Aizawlah thuthar thehdarhtute a kawm a. India sawrkarin kum 2029-a kuthnathawktute sum lakluh a let 4-a a pung tura tan a lak mek dan a sawi. Mizoram chu leilung hausakna tha tak nei, a bikin organic farming-ah hmalak theihna sang tak nei a ni tih a sawi a. Chutih rual chuan thil thar chhuah hralhna tur ram pawn thlengin zau takin inhawng mah se, kawng leh inkalpawhna a that loh chuan duh angin hma a lak theih loh a, Mizoram pawh inkalpawhna that loh avangin kuthnathawktuten harsatna nasa tak an tawh ngei a rinawm, tiin a sawi.
Hemi kawngah hian sawrkar laipui leh state sawrkar a tanrual a pawimawh, tiin, “Tourism-a hmasawnna tur leh loneitute dinchhuah theihna tak tak tur chuan khawkar kawng, fourlane leh rel kawng thlengin tun aia tih changtlun a ngai,” a ti.
Zawhna chhangin Union minister chuan, khuarel chhiatna leh thil hrang hrang avanga loneitute leh kuthnathawktuten harsatna an tawh chu sawrkar laipui atangin puihna tur a awm a, chutihrualin state sawrkar nen thawhhona tha a ngai a, state sawrkarin report a pek behchhanin zangnadawnna pek thin a ni tih a sawi a ni.
Loneitute tan crop insurance scheme pawh a awm a, nimahse Mizoramah erawh hma la an awm meuh loa, sawrkar laipui chuan tanpui a inpeih reng tih a sawi bawk.
Mizoramin tun aia hma a sawn theihna kawng hrang hrang dap tura tirh a ni tih Bhagirath Choudhary hian a sawi a. Bawhzui tur engmawzat a hmuh tih te a sawi a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More