ZPM-in BJP thawhpui dawn loh thu an puang

Kumin MLA inthlanpuiah Zoram Peoples’ Movement party chuan BJP an thawhpui dawn lo tih an puang.
Zirtawpnia ZPM Gen. Hqrs executive thukhawm chuan resolution pathum a pawm a. 2023 Mizoram Legislative Assembly inthlan turah BJP an thawhpui dawn loh thu hi puangin, Pathian leh mipui zarah sawrkarna a chang ve a nih chuan sawrkarin Zofate himna leh inpumkhatna atan nasa zawkin hma a la dawn, tih a sawi.
ZPM General Headquarters hruaitu term ding lai, kumin September-a tawp tur chu pawhsei tha a ti a, hruaitu thar thlan hun atan March 2024 an ruat a ni.