June ni 12-a thukhawm ZPM Nomination Committee-in Mizoram inthlanpuia an party ticket-a ding tur mi pakua an thlang fel a, Hnahthial, Lunglei leh Lawngtlai district vek a ni.South Tuipui bialah Jeje Lalpekhlua, Lunglei North-ah V Malsawmtluanga, Lunglei East-ah Lalrinpuii, Lunglei West-ah T Lalhlimpuia, Lunglei South-ah Lalramliana, Thorang-ah C Lalnunnema, West Tuipui-ah Kawlhnuna, Lawngtlai West-ah Lalnunsema, Lawngtlai East-ah Dr Lorrain Lalpekliana Chinzah te an ni.
ZPM hian a hmain bial viltu tur mi 35 an lo puang tawh a, anni hi MLA-a ding tur tia sawi chu ni lo mah se ding tura ngaih chu an ni. Tuna candidate tur mi pakua an puante zingah Lawngtlai East-a ding tur leh Lunglei West-a ding turte tih loh hi chu bial vil tura puan zinga vek an ni a, Lawngtlai East leh Lunglei West hi chu a hma pawhin a viltu tur an inruat lo.
June ni 12-ah vek hian ZPM Southern Headquarters hruaitu pali, adviser pahnih leh secretary pahnihte chu an nihna hlihsak an ni ve thung.
Nihna hlihsak mi palite hi Lunglei West bial mi vek an ni a, Lunglei West hi ding tur a chian loh rengna, inchuh an awmna a nih avangin, anni pali pawh hi bial chang lo lamtang an ni ang tih ngaihdan a awm nghal.
Lunglei West-ah hian 2018 khan ZPM ticket-in Lalnuntluanga Sailo a ding a, ani hian bial en zuiin ding tura duhtu nei mah se a chang ta lo. Lunglei Municipal Council inthlan hnuah ZPM-a lutin a chang ta a ni.
Bial inchuh nasatna Lawngtlai East-ah Alinery Lalngilneiin Lianhlawng ni lovin Dr Lorrain Lalpekliana Chinzah an thlang a, he bialah hian thil inmun a awm nghal nia sawi a ni.
He biala din tum Alinery hian social media lamah thuchhuah a nei nghal a, party atanga chhuah erawh a sawi lo. Ani hi Lawngtlaia ZPM office luah man tumtu a ni.
Thawhlehni khan Lunglei West leh Lawngtlai East bialah ZPM atanga bang pahnih khat chu an awm.
ZPM-in candidate tur puang Mi palite nihna hlihsak nghal
Get real time updates directly on you device, subscribe now.
Next Post