ZPM-in chhiatna hmun tlawh

ZPM Gen. Hqrs hruaitute chuan June 21 khan lei tawlh avanga chhiat tawhna hmun Hlimen an tlawh a, in leh lo chante leh chhiat tawk chhungkuate thahualna hun an hmang.
ZPM president Lalliansawta chuan Hlimen leh a chhehvel khuaten chhiatna nasa tak an tawk chu pawi an ti hle a, sawrkar pawhin an harsatna sutkian a nih theihnan theihtawp a chhuah a, party ang pawhin an bengkhawn reng tih a sawi. Hetiang chhiatna a lo thlen hian Mizo nih a nuam thin a, ram pum anga kan inlungrualna leh Mizo tlawmngaihna nen kan intanpui liam liam thin hian thla a timuang tih a sawi bawk.
Tunah harsatna a la kiam mai loa, in leh lo chante bakah nunna hial chan an awm a, a theihna kawng awm zawng zawngah chuan an intanpui zel dawn tih ZPM hruaitu hian a sawi bawk.
ZPM hruaitute hian khawtlangin in leh lo chante leh riak chhuakte tana an sak relief camp an tlawh a. Relief camp hi chhungkaw 49 vel chenna tura duan a ni.
Party president bakah hian vice president C Lalnunnema, treasurer Lalchhuanthanga, MLA leh hruaitu dangte an tel a ni.