ZPM-in mipui kohkhawmna’n
sum an pe – Dr R Lalthangliana
Lunglei Municipal Council inthlan kharnaah mipui kohkhawm nan ZPM party-in sum – TA/DA an pe niin MNF adviser Dr R Lalthangliana chuan a sawi.
South Tuipui bialtu MLA, minister Dr R Lalthangliana chuan Thawhlehi khan a bial chhung khaw thenkhat a tlawhnaah thu sawiin, ZPM chu social media hmanga nasa taka politics khel thinah a puh. LMC campaign kharnaah pawh kalkhawm tura mipui kohnan TA/DA an pe nia an hrilh thu leh TA/DA pek chuan tute pawhin mipui tam tak an kohkhawm theih tur thu a sawi. “ZPM chu vawikhat pawh la sawrkar ve hma in an hotute inkarah thu leh hla a tam a, kohhran kan unit ti thinte khan unit thar an din ve a, tuna MLA an neih zat pawh an nei tawh loang, MNF hi Pathian leh mipui zarah a sawrkar leh ang,” a ti.
India ram state leh UT 40 dawn awmah minister hrang hrangte inhmuhkhawmnaah a tel zing ber pawl a nih a rin thu MNF minister hian sawiin, hengah hian Congress minister tel tur an van hle thu te, central leh state-ah an tiltiak vek tawh thu te, Mizorama bial 5 an neih mekna hmun ramri hrul amite chu BJP chet nat tumna a nih thu a sawi. “BJP-in seat engemawzat chhuh an tum rualin MNF pawhin MLA kan neih belh ka ring,” a ti.
ZPM-in mipui kohkhawmna’n sum an pe – Dr R Lalthangliana
Get real time updates directly on you device, subscribe now.
Next Post