ZPM-in Political Session nei

Zirtawpni khan ZPM-in Political Session an nei a, Lalchhuanthanga, general secretary-in kaihruaiin, Lalthazuala Rawite, General Secretary-in thu a sawi.
“ZPM a lo din khan inkaihruaina fel thlip thlep tak kan nei lo chungin kan hotuten ruahmanna an siam angin kan kal chho ve bek bek a, tunah chuan inkaihhruaina mumal tak neiin dan bu (constitution) te hial kan lo nei chho ta a, la famkim tawk lo hle mah se kan mamawh khawp chu a awm a ni. Kan Dan bu anga kan kal chho a kan zah thiam bawk chuan kan party hi a nghing ngai lo ang,” thusawitu chuan a ti.
“Pathian leh mipuite zarah ZPM-in hma a sawn ve zel a. Kan frontal – Thalai, Zonu leh Upa Committee-te atangin mimal thilphal ten sorkarna kan siam ngei theih nan sum leh pai leh tha leh zung sengin tha an thawh nasa hle. Campaign Fund tur pawh anmahni zingah contribution-te siamin party puiah an chhung lut \hin a, hei hian kan tanrualzia a tarlang chiang hle a ni,” a ti a, “Tunah hian mipuiin hmasawn an duh avangin ZPM ah rinna nasa tak an nei mek niin a lang a, chuvangin mipuite tibeidawng lo turin rilru thianghlim tak puin Pathian rawn chung zelin hmalam i pan ang u,” a ti bawk.