ZPM-in thalaite thluak an su – Lalruatkima

ZPM-in thalaite thluak an su
– Lalruatkima
ZPM sawrkarin thalaite thluak an su mek a, sawrkar liam ta te tlin lohna hlir an sawi tih MNF hruaitu Lalruatkima chuan a sawi
MNF Sub Headquarters Lunglei hruaitu thar thlan uaptu MNF treasurer Lalruatkima chuan, sum tlaran zawngin ZPM sawrkarin min kalpui a, an hruaitute an invulh nasa tawh hle niin a sawi.
“Kawng chhe karah buhfai leh tuialhthei man an ti to a. An intiam loh ang hlira awmin, dawt an sawi reng a, finfiahna a awm zel si chungin, an inthlahrung chuang miah lo,” a ti.
Ram leh hnam leh sakhaw himna thlirin MNF sawrkar hun lai a ngaihawm hle minister hlui hian sawiin, an hunlaiin thenawm state-te an ralmuang a, nitina mipui mamawh an hnianghnar hle tih a sawi. 2028 MLA inthlanah an party chu tho leh ngei turin, nasa taka insiamtha turin party worker-te a chah tih a sawi bawk.
MNF Sun Hqrs. Lunglei hruaitu atan hian, president-ah Vanlalhmuaka, Electric Veng; vice president – Chawngthanmawia Chawngthu, Ramthar; treasurer – H Lalremruata, Farm Veng thlan an ni.