ZPM kan sawrkar har hi kan lo tlai hman tep zawk – B Lalchhanzova

ZPM kan sawrkar har hi
kan lo tlai hman tep zawk
– B Lalchhanzova
Sawrkarna an chan hnua a chhungril an hriatchianin, ZPM a sawrkar har lutuk chu kan tlaichhe hman tep zawk niin minister B Lalchhanzova chuan a sawi.
Serlui bial huamchhunga ZPM Serlui South Block huamchhung khua a tlawhnaah B Lalchhanzova chuan, sawrkarna an han chang a, a chhungril an han hria a. ZPM an lo sawrkar har lutuk chu a pawi a, an lo tlai chhe lek lek hman tawh tih hi chiang takin an hmu tih a sawi.
“Kan ramah diklohna a lo tlangnel rei tawh em em a. ZPM sawrkarna hnuaiah dikna tlangnel ve tawh rawh se, tiin kan au a; ka department chanah ngei pawh dik takin hma kan han la chho a, a minister ka nihna angin a tawrh pawh ka tuar hle a, beiha umzui pawh ka hlawh viau. Amaherawhchu, Pathian leh hnamdangte mithmuhah kan ram hi ram leh hnam zahawm, dikna leh zalenna ram a nih theihnan, chu kawng chu kan zawh a ngai si. Inthlan lehah kan tlin loh palh takin tih ringawt ngaihtuah a thil dik pawh ti ngamlo, thuthlukna dik leh tha siam ngam lo hi kan ram tan a that ka ring lo. Tlak huamin ram tan dik tak leh khawng takin kan kal mek a, kan ram tana thuthlukna dik kan siam vanga a mimal anga kan tuar deuh a nih pawhin chu chu chawimawina ropui takah kan pawm mai tur a ni,” a ti.
Rim taka mutmu pawh tuah hleithei loa dik taka hna an thawk mek lai chuan, hmun thenkhatah sawrkarin a thawhpui duh loh vang pawh ni lo, opposition VC an nih vanga ruling sawrkar thawhpui tha duhlotu VC an awm leh thin nia sawiin, “Chu chu a pawi em em a, khawtlangin a tuar a ni. Chuvangin sawrkar lai thawhpui thei tur ZPM VC candidate-te thlangtling turin kan insawm a ni,” B Lalchhanzova hian ti.