ZPM sawrkarin health care a hlawhchhampui hi a zahthlak – Dr R Lalthangliana

ZPM sawrkarin health care a
hlawhchhampui hi a zahthlak
– Dr R Lalthangliana
Universal health care kalpui tura Asian Development bank atanga sum puk tura an hunlia tih fel vek tawh, ZPM sawrkarin a hlawhchham pui chu thil zahthlak tak a ni tih Health minister hlui Dr R Lalthangliana chuan a sawi.
Zirtawpnia MNF office-a inkhawmah MNF senior vice president Dr R Lalthangliana chuan, MNF sawrkar atanga kum khat pawh tlingloah health care changtlung tak kalpui tumin hma an la a, universal health care kalpui turin Health minister a nih angin central finance ministry-ah na takin a nawr a, ADB atangin cheng vaibelchhe 1000 pawmpui niin, MLA inthlan hnaih vangin an bawhzui hman ta lo tih a sawi.
“ZPM sawrkarin a ngaihna a hriat loh vang nge a zirchian loh vang, a hlawhchham pui ta mai hi pawi ka ti a; sawrkar tan thil zahthlak tawpkhawk a ni. Kan sawrkar leh chuan changtlung leh tha zawkin kan kalpui ang,” a ti.
Sawrkar laipuiin Myanmar ramri km.1643 a thui Border Roads Organization-in kum 10 chhunga hung tura hma a la chu MNF chuan an dem tih a sawi a. ZPM sawrkarin central BJP sawrkar a dodal zel ngam dawn a nih chuan a ranglama hma la turin an phut tih a sawi ni.
MNF a sawrkar leh hunah ration buhfai man tih to leh oil man tih to chu mipui phurrit chhawk zangkhai thei tura a man ennawn leh tur a ni tih MNF hruaitu hian sawiin, sawrkar laipuiin state dang project lian an pawmsak mawlh mawlh laiin, Mizoram tan pawmpui sawi tur a awm mang loa, sanction phei chu sawi tur awm lo tluk a ni tih a sawi bawk.