ZPM sawrkarin mipui bakah sakhaw hruaitute tibeidawng – Dr R Lalthangliana

ZPM sawrkar chetdan chuan mipui bakah sakhaw puitthiam thlengin a tibeidawng tan tih MNF hruaitu Dr R Lalthangliana chuan a sawi.
MNF Thalai Hqrs in hruaitu intuaitharna an buatsaih a hmanpuinaah MNF senior vice president Dr R Lalthangliana chuan, ZPM sawrkar chetdan chuan mipui mimir bakah sakhaw puithiamte thlengin a tibeidawng mek a. MNF party chu sawrkar leh turin a inbuatsaih mek tih a sawi. An party kalphungah MNF Thalai Hqrs chu a pawimawh hle, tiin, an pawimawhna hriaa hruaitute puala intuaitharna buatsaih a ni chu lawmawm a tih thu a sawi bawk.
MNF PAC member R Lalzirliana pawhin thalaite chu ram tan leh party tana thawk turin a chah a. Tuna sawrkar mek ZPM chu mak tak taka an chet avangin mipui bei a dawng mek niin a sawi.
MNF Thalai president Robert Romawia Royte, MLA chuan MNF danbul leh a innghahna, party thiltum hrechiang turin MNF Thalai hruaitute a fuih a. Mizo hnam movement-in rahtha a chhuah sawiin, India danpuia Mizote humhimna Article 371 G chu a hlu hle tih a sawi. 1986 June 30-a Mizoram remna thuthlung ziah a nih hma, June 25 khan Indian National Congress leh MNF chuan inremna an ziak a, chu inremnaah chuan Mizorama interim state sawrkara CM turin Pu Laldenga, deputy CM turin Pu Lal Thanhawla an thlang tih a sawi.
Intuaitharnaah hian Dr Vanlaltanpuia leh J .Malsawmzuala Vanchhawng chu resource person an ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More