ZPM sawrkarin official-te aiin pawnlam mi a ring zawk – MNF

ZPM sawrkarin state huap Committee hrang hrang a din tawhah sawrkar official-te telna awmah pawh tel tir ve loin pawnlam mi a dah hnem zawk zel tih MNF party chuan an sawi a. Inthlan dawna an sawirik fo Val Upa Council an reh zui hle tih an sawi bawk.
MNF Publicity Board vice chairman J Malsawmzuala Vanchhawng chuan, 2024 March 27 chu ZPM sawrkar ni 110 tlinna chiah a ni a. Intiamna zawng zawng tihlawhtling vek turin hun a la tawi a, fir taka teh hun a la nih loh rualin, chief minister-in ni 100 chhunga anmahni tehna tur, sawrkar lakluh nia a puan hmanga tehin, ZPM sawrkar hlawhchhamna hmuh tur tam tak a awm der tawh tih a sawi.
“Mipui sawrkar niloin, party sawrkar, official-te pawh ring zo lo sawrkar sawhngheh chhoh mek a ni a. 2023 December 8-a ni 100 chhunga sawrkar hmalakna tur chief minister-in a puan khan point 6-naah ‘Sawrkar official-te tel loa sawrkar a kal theih loh thu leh dik taka hna an thawh tlan a duh thu a sawi a. Sawrkar hmalak tawh dan en chuan ZPM sawrkar hian official-te a ngaipawimawh lo mai niloin engah mah a ngai lo zawk hial niin a lang,” a ti.
Sawrkar hmalakna tur, flagship programme leh programme dang pawimawh tak tak tihlawhtling tura din Committee-ah member atana official ruat an ni lo zel mai chuan, official pawimawh tak takte a ring zo loa, official-te tel loin party mi thenkhat leh an sangawizawnpui mithenkhat nen sawrkar hi an khalh kal dawn tihna a ni tih a lantir thu MNF Publicity Board hruaitu hian a sawi.
Inthlan campaign laiin chief minister candidate Pu Lalduhoma’n Val Upa Council member-te chu sawrkar viltu leh khalhtu, a tul huna khak a, minister-te pawh