Myanmar-a Zomi Revolionary Army (ZRA) leh Chin National Army (CNA) leh a thurualpuite inkara inhmuh thiam lohna awm leh silai hial chelek a nih chungchangah Zo Re-Unification Organisation (ZORO) chuan palai hna thawh a tum.
ZORO thuchhuak chuan, khawvel hmun hrang hranga awm Zofate lungrual taka kan awm theih nan leh kan insuihkhawm leh theih nana hma an lak laiin, tunhnaiah Zo unau – ZRA Eastern Command leh CNA leh a thurualpuite inhmu thiam loa silai hial an lek chu pawi a ti hle tih a sawi. ZRA leh CNA pawhin unau inhmelhai a tha lo a ni tih hria a, an inhmuh thiam lohna chhunzawm loa, an inbeihna chu titawp turin an beisei a, an ngen tih a sawi a ni.
ZRA Eastern Command leh CNA leh a thurualpuite pawh unau thlahkhat thisena inzawm an ni, tiin, engemaw thu inhmuh fuh loh vanga inti buai mai nia a lan thu a sawi a. ZORO chuan khawvel hmun hrang hranga awm Zofate chu lungrual taka awm tur leh unau kan nihna tilang turin a duh a. Inlungrual tak leh inngeih taka an awm leh theih nan remna palai hna thawh a tum tih a sawi a ni.
ZRA leh CNA inkarah ZORO palai tum
Get real time updates directly on you device, subscribe now.
Next Post